(၈-၁၀-၂၀၂၁ ရက်၊ နေပြည်တော်)
နိုင်ငံခြားရေးဝန်ကြီးဌာနနှင့် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာနတို့မှ ဝန်ထမ်းများနှင့် မိသားစုဝင်များ အသုံးပြုနိုင်ရန်အတွက် မြန်မာသံရုံး၊ ပေကျင်းမြို့၏ ညှိနှိုင်းဆောင်ရွက်မှုဖြင့် တရုတ်နိုင်ငံ World Green Design Organization (WGDO) Myanmar မှ ယွမ်ငွေ ၄,၂၅၄,၈၀၀/- (ကျပ်ငွေ ၁,၀၆၃,၇၀၀,၀၀၀/-) တန်ဖိုးရှိ Prescription Tea for Prevention of Covid-19 (၁၀၀၀) ထုပ်၊ Sterilized Air Purifier Mask (၁၂၀၀၀) ခု၊ N95 Mask (၁၁၀၀၀) ခု၊ Portable Sterilizing Kit (၂၀၀) ခု၊ 10L Oxygen Concentrator (၈) လုံးနှင့် Philips Non-Invasive Ventilator (၂) လုံးတို့အား ၈-၁၀-၂၀၂၁ ရက် (သောကြာနေ့)၊ နံနက် ၁၀:၃၀ အချိန်တွင် နိုင်ငံခြားရေးဝန်ကြီးဌာနသို့ လာရောက်လှူဒါန်းခဲ့ရာ နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးကျော်မျိုးထွဋ်မှ လက်ခံရယူခဲ့ပြီး ဂုဏ်ပြုမှတ်တမ်းလွှာအား လည်းကောင်း၊ အမြဲတမ်း အတွင်းဝန် ဦးချမ်းအေးမှ အမှတ်တရ ပန်းချီကားအားလည်းကောင်း၊ စီမံကိန်းနှင့်စီမံရေးရာဦးစီးဌာန၊ ညွှန်ကြားရေးမှူးချုပ် ဦးအောင်ကျော်ဇံမှ နိုင်ငံခြားရေးဝန်ကြီးဌာန အထိမ်းအမှတ် လောကနတ်ရုပ်ထုအား လည်းကောင်း အသီးသီး ပြန်လည်ပေးအပ်ကာ ကျေးဇူးတင်စကား ပြောကြားခဲ့ကြကြောင်း သိရှိရပါသည်။
